- Instalazioak eta hezkuntza-eredua ezagutarazteko ekimena 16:15ean hasiko da, eta 2 eta 3 urteko gelei zuzenduta dago.
- Gainera, hurrengo matrikulazio-prozesuari buruzko zalantzak argitzeko balioko du. Prozesu hori otsailaren 3tik 14ra egongo da zabalik.
Derio Herri Ikastetxea prest dago 2025-26 ikasturtean seme-alabak matrikulatu nahi dituzten familiei harrera egiteko. Horretarako, ate irekien jardunaldi bat antolatu du datorren asteazkenean, urtarrilaren 29an, 16:15etik aurrera. Ikastetxeko zuzendaritzak eta irakasle-taldeak instalazioak ezagutaraziko dituzte, hezkuntza-eredua azalduko dute eta familiek 2 eta 3 urteko haurrentzat eskolak eskaintzen dituen zerbitzuei buruz izan dezaketen edozein zalantza argituko dute.
Ate irekien jardunaldian izena eman nahi duten pertsonek 94 454 12 46 telefonora deituz edo matrikula@deriokoeskola.com helbidera idatziz egin dezakete, ikastetxeko idazkaritzara hurbiltzeaz gain. Bertan, otsailaren 3tik 14ra bitartean zabalik egongo den matrikulazio prozesuari buruzko zalantza guztiak argitu ahal izango dira ere. Halaber, modu telematikoan izen-ematea egin ahalko da, ikastetxeko alderdi gehiagori buruzko informazioa jasotzeaz gain, eskolaren webgunean: Hemen. https://deriokoeskola.wordpress.com
Derio Herri Ikastetxeak aldi honen garrantzia azpimarratu du eta familiei dei egiten die aktiboki parte har dezaten bai ate irekien jardunaldian bai matrikulazio prozesuan.
