Noticias

Derioko udalak 20.000 euro bideratuko ditu gazteek etxebizitza bat alokatzeko laguntzak izan ditzaten

Dirulaguntza hau 18 eta 35 urte bitarteko pertsonei zuzenduta dago, emantzipazioa errazteko eta alokairua sustatzeko. Laguntza maiatzaren 1etik irailaren 30era arte eskatu ahal izango da.

Derioko Udalak gazteei etxebizitzaren alokairua ordaintzen laguntzeko dirulaguntzak eskatzeko epea ireki du. Gazteen emantzipazioa erraztu eta etxebizitzen alokairua sustatu nahi duen dirulaguntza da.

Guztira 20.000 euro bideratuko dira, eta 18 eta 35 urte bitarteko pertsonei zuzenduta dago. Gazte horiek, maiatzaren 1etik irailaren 30era arte eskatu ahal izango dute aipatutako laguntza. Dirulaguntzak diru-sarreren arabera esleituko dira, eta gehienez ere errentaren
% 50 edo 300 euro hileko.

“Badakigu gazteek zailtasunak dituztela independizatzeko edo emantzipatzeko, etxebizitzen prezioak altuak direlako eta dituzten lan-baldintzak eta diru-sarrerak ez direlako egokienak. Horregatik, dirulaguntza lerro honekin alternatiba bat eskaini nahi diegu beraien bizi proiektua hemen garatu dezaten, Derion geratu daitezen “, adierazi du Esther Apraiz Derioko alkateak.

Eskaera “Gertuan” herritarrei arreta emateko zerbitzuaren bidez egin behar da. Informazio gehiago nahi izanez gero, interesdunak “Gertuanera” jo dezakete edo deialdiaren oinarriak kontsultatu Udalaren webgunean.

 

Erlazionatutako albisteak

Udalak haur eta nerabeen eskubide eta ongizatearekin duen konpromisoak UNICEF bezalako entitate baten errekonozimendu jaso du. Esther Apraiz Derioko alkateak eta Joseba Madariaga UNICEF Euskadiko arduradunak konpromisoa sinatu dute Derio […]

Atari berriak, intuitiboagoa eta modernoagoa, izapideak arin eta eraginkortasunez egiteko aukera emango die herritarrei, Udalak digitalizazioarekin eta herritarren arretarekin duen konpromisoa indartuz: www.derio.eus Derio, 2025eko martxoaren 25ean. Derioko Udalak bere […]

Derioko Udalak kanpoko frontoia hobetzeko lanak amaitu ditu, zolatak zituen arazoak konponduz. Orain arte, urez betetzen zen zorua euria egiten zuenean, erabilera zailduz eta higadura bizkortuz. Egoera hori konpontzeko, asfalto […]

Scroll to Top
Skip to content