- Boskote arrakastatsua 22:30etan igoko da kirol kantxetan kokatuko den oholtzara. Hala ere, jaialdia 21:00etan hasiko da Eiderrekin, Nøgen taldeko abeslari ohiaren kontzertuarekin.
- Bertaratuen segurtasuna bermatzea lehentasuna da Udalarentzat, horregatik, hainbat neurri hartu dira: Derioko udaltzaingoko agente guztiak zerbitzuan egongo dira, ekitaldia segurtasun pribatuarekin ere indartu egingo da eta Mugikortasun Urria duten Pertsonentzako gune bat egokituko da.
- Era berean, jardunaldiak zerbitzu bereziak izango ditu, hala nola garraio publikoa indartuko da, Derioko auzoetatik ibiliko den gaueko autobus zerbitzua eskainiko da eta aparkaleku eta txosna guneak ezarriko dira. Eraso matxisten aurkako arreta-zerbitzua ere eskainiko da.
Datorren larunbatean, azaroak 23, “En Tol Sarmiento” (ETS) taldeak, azken hamarkadako Euskal Herriko musika fenomeno ezagunenetakoak, doako kontzertua eskainiko du Derioko kirol kantxa estalietan. Ekitaldi hau “Udazkena Martxan” udal ekimenaren parte da, herriko gazteen eskaerei erantzuten dien eta bere hirugarren edizioa ospatzen ari den ekimena.
Jardunaldia 21:00etan hasiko da Eiderrekin, Nøgen taldeko abeslari ohiaren emanaldiarekin eta ETSren kontzertuarekin jarraituko du. 22:30etik aurrera, arabar talde honen doinu alai eta biziez gozatzeko aukera izango dute bertaratutakoek. “Aukera berriak”, “Zurekin Batera” edo “Ametsetan” bezalako kantuek, adin guztietako publikoa gozaraziko dute. Emanaldiak frontoiaren ondoan kokatzen diren kirol-kantxa estalietan izango dira, eta bertaratzen direnek hainbat zerbitzu izango dituzte eskura: txosnak, parking gunea, eta auzoz auzo ibiliko den doako gaueko autobusa. Gainera, garraio publikoaren zerbitzua indartuko da (Euskotren). Bertaratuen segurtasuna bermatzea lehentasuna da Udalarentzat eta horregatik hainbat neurri hartu ditu. Derioko udaltzain guztiak lanean izango dira, eta segurtasun pribatua indartuko da espazioan eta kontzertuaren inguruan, beste hogei bat profesionalgehituz segurtasun dispositibora. Nabarmendu behar da, halaber, eraso matxisten aurkako arreta-zerbitzua ere eskainiko dela. Mugikortasun urriko pertsonentzako gune bat ere egokituko da. Gune egokitu hau behar duten pertsonek aldez aurretik erreserba egin beharko dute honako posta elektroniko honen bidez: kultura@derio.eus
Esther Apraiz alkateak espero du kontzertua “arrakastatsua” izatea. “Herritarrei bertaratzeko eta hitzordu honetaz gozatzeko deia egiten diegu. Egungo talde euskaldun potenteenetako bat izango dugu Derion. Historia egiten ari den taldea. Euskarazko musika-proiekturik garrantzitsuenetarikoa, Plataforma digitaletan gehien entzuten dena, sare sozialetan jarraitze ugari dituztena eta kontzertuetan jende gehien mobilizatzen duen euskal taldea. Modako taldea da, ez gazteen artean bakarrik, baita nagusiagoen artean ere. Jarduera hau Udalak gazte derioztarren gustu eta eskaerei erantzuten dieten kultur eta aisialdi jarduerak eskaintzeko duen konpromisoaren erakusgarri da”, azpimarratu du alkateak.
Ia 20 urte eszenatokietan
ETS 2005ean sortutako musika taldea da, Arabako Ekora udalerrian. 2019an aldaketa garrantzitsua eman zion bere musika estiloari euskarazko abestien alde egiteko eta 2023an sekula arrakasta izan zuen.
Ibilbidean zehar, 300 kontzertu baino gehiago eman dituzte Euskal Herri osoan zehar, eta mugak ere gainditu dituzte Estatuko jaialdi eta areto ugaritan parte hartuz. Zuzeneko erritmo eta letra alai eta indartsuak dituzte ezaugarri. Boskote arabarra, Iñigo Etxezarreta abeslaria buru duela, Spotifyn gehien entzuten den euskarazko musika taldea da, hilean 260.000 entzule baino gehiagorekin.
