Derioko Udalak argiteria publikoaren sare osoa modernizatu du LED teknologia instalatuz, hiriguneak zein landa-eremuetako bizitegi-guneak eta industrialdeak barne hartuz. 2019an hasitako proiektu horri esker, udalerri osoan 1.500 argi-puntu baino gehiago ordeztu ahal izan dira, energia-eraginkortasuna hobetuz, kontsumoa murriztuz eta argiztapen jasangarriagoa eta seguruagoa bermatuz.
Proiektuaren inbertsio osoa 775.000 eurokoa izan da, eta horietatik 345.000 euro Bizkaiko Foru Aldundiaren “Herriak Egiten” aparteko funtsaren bidez finantzatu dira.
Aldi horretan, hainbat etapatan gauzatu dira udalerriko puntu estrategikoetan egin beharreko lanak, herritarren segurtasuna eta ongizatea lehenetsiz. Azken fase honetan, 289 argi-puntu ordeztu dira, batez ere Neinver (66 argi berri) eta Ugaldeguren (89) industrialdeetan, baita Seminariorako bidean (32), Butroi kalean (30) eta Garbigunearen inguruan (19) ere.
“Pozgarria da duela sei urte hasitako prozesu garrantzitsu honi amaiera ematea. Jakina, Derio jasangarritasunarekin konprometitutako udalerri eraginkor gisa sendotzeko urratsak ematen jarraituko dugu beste esparru askotan”, nabarmendu du Esther Apraiz alkateak.
